【青衣虐鳥狂徒】 平切雀尾、剪翼入肉
話說有位媽媽，琴晚大約十點半喺青衣長發邨- 長發商場隔離，發現一隻鴿鴿唔係好妥... 望真啲，隻鴿鴿俾人平口剪咗尾同翼！並唔係平時幫鳥寶剪翼嗰種，而係想佢飛唔起，搵唔到食，無法求生，然後慢慢死去嗰種！
好心媽媽帶咗佢返屋企，義工同媽媽發現小朋友一直流緊血。一展開佢對翼，發現切口全入羽管，有啲仲入埋羽根！
雀仔嘅羽毛同貓狗嘅唔同。如果將貓狗嘅毛比喻為小草，雀仔嘅羽毛就會係大樹。羽毛首先會長出樹幹，即係羽針，然後樹葉先至會再從樹幹推出嚟，成為羽毛。所以唔小心扯甩雀仔嘅羽毛，係會令到羽毛連根拔起，會流血㗎！
唔知係咩心態，但呢個變態佬/婆嘅惡行，不單止令鴿鴿飛唔到，失去求生能力，仲令到佢不停流血，好彩被好心人發現，及時止到血。如果唔係?!
希望大家可以幫吓手，睇吓附近有冇閉路電視片段。希望可以緝拿兇手，幫小朋友討回公道
【RELATED ARTICLES - 新聞報道】
【救救動物】青衣長發邨現虐鴿狂徒 鴿子被剪掉尾巴翅膀流血不止
@topick.hket
青衣長發邨白鴿疑受虐 尾翼被剪入肉流血不止
@am730
青衣長發邨白鴿遭剪尾翼 警拘8旬翁涉虐畜
@頭條日報
青衣長發邨野鴿疑被虐 翼及尾部被剪開淌血 關注組緝兇
@hk01